أعلنت وزارة التربية والتعليم المصرية عبر موقع الأكاديمية المهنية للمعلمين الإلكتروني على شبكة الإنترنت عن فتح باب التقديم لضم مدد العمل والخبرة السابقة، وذلك للمعلمين المساعدين والأخصائيين المساعدين الذين سبق لهم العمل في الوزارة، والخاضعين لإحكام قانون كادر المعلمين رقم 155 لسنة 2007 والتعديلات اللاحقة له ولائحته التنفيذية.
الأكاديمية المهنية للمعلمين بوابة الخدمات الإلكترونية
وتأتي هذه الخطوة من قبل وزارة التربية والتعليم تسهيلاً لإبنائها العاملين (معلم مساعد، أخصائي مساعد)، حيث من خلال تلك الخطوة يستطيع المعلم ضم مدة العمل السابقة له في الوزارة بدون الحاجة إلى رفع دعوى قضائية في مجلس الدولة، والتي كانت تستنزف المعلم ذهنيا وماديا من خلال توكيل محامي ورفع الدعوى في القضاء الإداري ومتابعتها حتى الحصول على حكم ومن ثم متابعة إجراءات التنفيذ.
شرح خطوات ضم مدة الخدمة السابقة عبر موقع الأكاديمية المهنية للمعلمين إلكترونيا
1- يجب على المعلم أو الأخصائي المساعد الذي يمتلك مدة خبرة سابقة الدخول على موقع الأكاديمية عبر الرابط التالي: الأكاديمية المهنية للمعلمين بوابة الخدمات الإلكترونية.
2- تسجيل الدخول في حسابك الشخصي على الموقع وذلك من خلال ملء البيانات التالية (كود المعلم والرقم القومي وكلمة السر)، ومن ثم الضغط على الزر الخاص بتسجيل الدخول كما هو موضح في الصورة التالية:
3- بعد تسجيل الدخول سوف تجد ضمن الصفحة التي تظهر لك الرسالة التالية:
إتاحة ضم مــدة الخــدمـــة السابقــة للسادة المعلمين بأحكام القانون 155 لسنة2007
تم إتاحة تسجيل مدد الخدمة السابقة على التعاقد لشغل وظيفة (معلم مساعد/ أخصائي مساعد) للسادة المخاطبين بأحكام القانون رقم 155 لسنة 2007 وتعديلاته. والشاغلين لوظيفة (معلم / أخصائي) ويمكن للمعلمين الذين نتطبق عليهم الشروط التسجيل عن طريق كود المعلم والرقم القومى وكلمة السر.
4- اضغط على زر الذي يظهر لك (التسجيل اضغط هنا) كما هو موضح في الصورة التالية:
5- البيانات المطلوبة عن تسجيل طلب ضم مدة عمل سابقة للمعلمين هي (المديرية والإدارة التعليمية التي كنت تعمل بها، المرحلة الدراسية خلال مدة العقد، تاريخ بداية ونهاية العقد، سبب انتهاء التعاقد)، كما هو موضح في الصورة التالية:
اقرأ أيضا: طباعة بيان حالة معلم بالخطوات عبر موقع وزارة التربية والتعليم شرح بالصور
تنويه يجب عليك أستاذنا الفاضل أخذ صورة سكانر للعقد ورفعها أثناء ملء طلب ضم مدة الخدمة، كما يجب ملاحظة كتابة التاريخ في خانة بداية ونهاية العقد بالطريقة المنوه عنها عبر الموقع الإلكتروني.
ملاحظات حول ضم مدة الخدمة السابقة
- المدة المقصودة من خلال هذا الإعلان عن المدة التي تسبق عقد المعلم المساعد المميز.
- يوجد فتوى من الجهاز المركزي للتنظيم والإدارة مفادها أن ضم مدة المعلم المساعد تتم تلقائيا عن طريق المديريات على أن تحتسب اقدميه اعتبارية سنتين مهما طالت مدة البقاء على درجة المعلم المساعد.
- المدد المتاحة للضم هي مدة العمل بالحصة أو بالأجر أو غيرها من العقود التي كان يتم التعامل بها.
- أهم شيءللاعتراف بالعقد أن يكون الموظف تقاضى خلاله أجر من وأسمه موجود في كشوف الماهيات.
- في حالة وجود أي سؤال خاص بالضم يمكن الذهاب إلى الإدارة التعليمية التابع لها.
مد فترة التسجيل الإلكتروني لطلبات ضم مدد الخدمة السابقة
أعلنت الأكاديمية المهنية للمعلمين عبر موقعها عن مد فترة خدمة التسجيل الإلكتروني لطلبات ضم مدة الخدمة السابقة للسادة المعلمين، وأشارت إلى أن هذه الخدمة أصبحت متاحة للسادة المعلمين المخاطبين بأحكام قانون التعليم رقم 155 لسنة 2007، حيث يمكن لجميع المعلمين الراغبين في تسجيل طلب ضم مدة العمل السابقة من خلال كود المعلم والرقم القومي وكذلك كلمة السر الخاصة به، وذلك وفق ما هو تم شرحه من خلال هذا الموضوع، ونصف الرسالة كان على النحو التالي
آخر أخبار طلبات ضم مدة الخبرة السابقة للمعلمين
أكدت مصادر أن وزارة وزارة التربية والتعليم بناء على مطالب المعلمين قامت بتأسيس موقع لحصر طلبات ضم المدة وان العدد وصل إلى 186 ألف معلم حتى اخر شهر يناير ومن المتوقع إن يصل العدد إلى 190 ألف وان الوزارة قامت بغلق الموقع وتشكيل لجنة سوف تتواصل بشكل شخصي مع كل معلم قدم طلب بضم المدة ولذلك كانت الوزارة حريصة على طلب البيانات الشخصية لمعلم سواء العنوان أو رقم التليفون أو الايميل لسهولة التواصل والانتهاء من هذا الملف تماما حيث انه يمس قطاع عريض من المعلمين.
السلام عليكم يا جماعة انا كنت مسافر ومعرفش الموضوع ده اصلا مفيش اي إمكانية لضم المدة
السلام عليكم انا حاصل على حكم قضائى بتعديل تاريخ الدرجة الثالثة فنيه وما يترتب على ذلك من أثار تم تعدل تاريخ الدرجة بس للأسف أنامتاخر عن زملائى فى الكادر مرحلتين بمعنى المفروض أكون معلم أول( أ) ولكن الى الان مازلت معلم !هل من أفادة أو حل
طب واللي مسجلش يرفع قضية ولا ممكن الموضوع يرجع يتفتح تاني
أهلا بك أستاذ عصام بدوي
الله أعلم لا توجد معلومة أكيده عن فتح باب التقديم مرة أخرى لضم مدد الخبرات السابقة إلكترونيا أو لا
في هذه الحالة امشي في الإجراءات القضائية وأيهما أقرب لك تستفاد منه
يعني حصلت على حكم أولا خير وبركة
تم فتح باب التسجيل مرة أخرى وقدمت وطلبك أتقبل قبل صدور الحكم لصالحك خير وبركة
الظروف صعبة جدا فى شمال سيناء والنت فاصل أغلب الوقت والطرق مغلقة فكيف يكون التسجيل متاح لى وأنا وزملائى فى المدرسة 20يوما ولم نستطيع الخروج والدراسة موقوفة أسأل عن الحل لضم هذه المدة
أهلا بك زائرنا الكريم كان الله في عونكم
ممكن حضراتكم تسألوا في المديرية التعليمية وممكن ترسلوا شكاوى بالفاكس إلى الوزارة وإلى المديرية التعليمية
ان شاء الله يستجيبوا لكم
وفي حالة عدم الاستجابة يتم اللجوء إلى الطريقة القديم من خلال رفع دعوى في القضاء الإداري للمطالبة بضم مدة سنوات الخبرة السابقة للمعلم
موقع ضم المدة واحنا فى المدرسة بشمال سيناء والطرق أغلقت علينا ولم نسطيع ضم هذه المدة نظرا للظروف الأمنية التى تمر بها المحافظة أفيدونا ؟ وما هو الحل؟
أهلا بك أستاذ أحمد
بكل أسف هذا امر واقع فقد تم غلق باب التسجيل منذ يوم 15-2
حضرك ممكن تسأل في الإدارة والمديرية التعليمية التابع لها أو ممكن ترفع قضية لطلب ضم مدة الخبرة السابقة
‘طب واللي مسجلش علي الموقع يرفع قضيه ولا ايه
تمام أهلا بك زائرنا الكريم
الي مسجلش على موقع الأكاديمية بداية يسأل في المديرية التعليمية يمكن عندهم أخبار او معلومات ان التسجيل ممكن يفتح تاني
توقعي الشخصي ان مش هيفتح تاني لكن الله اعلم ايه الي هيحصل بعد كده
بشكل عام الذي لم يقم بعملية التسجيل الإلكتروني لطلب ضم مدة الخدمة هيرجع للنظام القديم في طلبات الضم وابرزها رفع قضية في القضاء الإداري
لو سمحت يافندم انا ايمان وتم ضم الخدمه الخاصه بيا من قبل احد زملائي واريد التاكد فكيف يحدث ذلك
أهلا بحضرتك أستاذة إيمان
المعلن والمتاح من قبل وزارة التربية والتعليم والإكاديمية المهنية هو فتح باب التسجيل وانتهاء باب التسجيل
لكن ما هي الاجراءات بعد تسجيل طلب ضم المدة الإلكتروني وكيف يعلم المعلم الموافقة على طلب الضم أو رفضه غير متاح وغير معلن حتى الآن من قبل الجهات المسئولة في انتظار ما تسفر عنها الأيام القادمة ان شاء الله من أخبار
أنا سجلت ولما دخلت علي الصفحة تاني وجدت جدول ولقيت
مكتوب عدد الشهور 7 وعدد الايام 19 مع ان عدد الايام اللي رحتها اكتر من ذلك بكثير
أهلا بحضرتك زائرنا الكريم
بصراحة لا أعلم أين المشكلة وكيف يتم حلها
بشكل عام في انتظار اعلان الاكاديمية المهنية عن طريقة المعلمين لمعرفة هل تم الموافقة على طلب ضم المدة او لا
انا عندى تامينات مدرسة خاصة تتعارض مع عقد معلم مساعد 2/7/2011 هل هناك اى مشكلة فى ضم هذة الخدمة
أهلا بك زائرنا الكريم
ملاحظة صغير أقوى الأراء في هذا الموضوع مدة عقد المعلم المساعد لا تستحق الضم
الله اعلم لا استطيع ان اعطيك اجابة اكيدة عن سؤالك الخاص بضم المدة
بشكل عام طلبات الضم انتهت وحضرتك قدمت وسجلت على موقع الأكاديمية المهنية وفي انتظار الرائي النهائي بالموافقة أو الرفض لطلب ضم المدة
وإن شاء الله طلبك يتقبل دون أي مشاكل
من فضلك انا اشتغلت بالاجر من 31/5/2002 الى 24/9/2003 وهكذا حتى 2008 وهذا مثبت باستمارة 103 ثم عقد معلم مساعد من 2008 الى 2011 وعند اضافة المدة على الرابط اضفت 5 مرات ولم يتبقى اضافة العقد هل احذف ال5 مرات واجعلها مرةواحدة من 2002 الى 2007؟
أهلا بحضرتك أستاذة شيرين
لضم مدة العقد في حالة تواجد أكتر من عقد يتم تسجيل طلب لكل عقد بشكل منفصل متضمن تاريخ بداية ونهاية العقد وسبب انتهائه ولا يوجد طلب تسجيل واحد مجمع لكل العقود مع ملاحظة أن طلبات تسجيل ضم المدة انتهت الخميس 15-2-2017 على موقع الأكاديمية المهنية للمعلمين
لو سمحت سنين الحصه المدرسة عملت بيها افاده ينفع تنضم؟
أهلا بك زائرنا الكريم
بكل أسف موقع تسجيل طلبات الضم قفل امبارح الخميس 15-2-2018
الله اعلم وزارة التربية والتعليم هتفتح باب التقديم الإلكتروني مرة تاني ولا لا
لوسمحت احنا معرفناش بموضوع ضم المده غير يوم 14فبراير ورحنا يوم 15علشان نقدم لقينا الموقع قفال ايه الحل ارجو الرد
أهلا بك زائرنا الكريم
ضم المدة معلن عنه من فترة وتم مد فترة التسجيل حتى 15 فبراير
هل هيفتح مرة تاني أو لا الله اعلم
حضرتك تابع موقع الأكاديمية المهنية وان شاء الله يفتح طلبات التسجيل مرة اخرى
لو سمحتوا افيدوني الموقع هيفتح تانى لانه قفل عليا أمس 3 عصرا ملحقتش أقدم ارجو الرد
أهلا بحضرتك
الله اعلم مافيش معلومة أكيدة بشأن طلبات تسجيل ضم المدد هتفتح تاني أو لا
مع ملاحظة أن الفترة تم مدها بالفعل في مرة سابقة
لو سمحتوا افيدوني الموقع هيفتح تانى لانه قفل عليا أمس 3 عصرا ملحقات أقدم ارجو الرد
السلام عليكم
لم أستطيع التسجيل من أمس و يظهر لي رسالة
لم يتم الحفظ حاول مرة اخرىThe INSERT permission was denied on the object ‘EMP_PAST_JOBS’, database ’employee’, schema ‘dbo’.
مع اني كتبت التاريخ بطريقة صحيحة و حجم الصورة 136 kb اي لم يتعدى ال 1 ميجا
وعليكم السلام ورحمة الله وبركاته
في مشكلة في طلب التسجيل في الإغلب في طريقة كتابة أو اختيار شئ ضمن الاستمارة
لكن للاسف باب طلب التسجيل أغلق امبارح فمش فارقه دلوقتي لان حضرتك مش هتعرف تعدل في استمارة الضم
لم استطيع التسجيل يكتب لى دايما لم يتم الحفظ مع ان كل البيانات مكتوبة صح
أهلا بك زائرنا الكريم
في مشكلة في طلب التسجيل في الإغلب في طريقة كتابة أو اختيار شئ ضمن الاستمارة
لكن للاسف باب طلب التسجيل أغلق امبارح فمش فارقه دلوقتي لان حضرتك مش هتعرف تعدل في استمارة الضم
لو سمحت حضرتك
بتظهر لي الرسالة دي
لم يتم الحفظ حاول مرة اخرىThe INSERT permission was denied on the object ‘EMP_PAST_JOBS’, database ’employee’, schema ‘dbo’.
أهلا بحضرتك أستاذ أحمد وجيه
في الإغلب حضرتك كاتب التاريخ أو الوظيفة بطريقة خطأ غير الصيغة المتاحة في استمارة التسجيل
ممكن حضرتك تحاول مرة اخرى لغاية ما يقبل معاك ان شاء الله
لم يتم الحفظ حاول مرة اخرىThe INSERT permission was denied on the object ‘EMP_PAST_JOBS’, database ’employee’, schema ‘dbo’.
عندي انا كمان نفس المشكلة هل في حل
انا عندي نفس المشكلة ولم استطيع التسجيل…. ماحل افيدونا لوسمحتوا
أهلا بحضرتك أستاذ شيماء يوسف برجاء المحاولة سريعا قبل انتهاء المدة الحلول المتاحة تكتبي الارقام من الارقام الموجودة فوق حروف لوحة المفاتيح أو تحولي اللغة انجليزي عند كتابة الارقام ثم محاولة الكتابة وان شاء الله يقبل معاكي
أهلا بحضرتك أستاذ محمد علي
في الإغلب حضرتك كاتب التاريخ أو الوظيفة بطريقة خطأ غير الصيغة المتاحة في استمارة التسجيل
ممكن حضرتك تحاول مرة اخرى لغاية ما يقبل معاك ان شاء الله
لم يتم الحفظ حاول مرة اخرى تظهر منذ فترة
أهلا زائرنا الكريم
في الإغلب حضرتك كاتب التاريخ أو الوظيفة بطريقة خطأ غير الصيغة المتاحة في استمارة التسجيل على موقع اكاديمية المعلم
ممكن حضرتك تحاول مرة اخرى لغاية ما يقبل معاك ان شاء الله
بالنسبة لصورة العقد ممكن تتصور بالموبايل ولا مينفعش
أهلا بك زائرنا الكريم
من الاحسن صورة العقد سكانر لكن لو اتزنقت يبقى ارفعها صورة موبايل
الموقع مش مشترط صورة بطريقة معينة
السلام عليكم بيقولى لا يمكننى ضم المدة حال مرة اخرى هو التسجيل قفل ولا ايه
وعليكم السلام ورحمة الله وبركاته
أهلا بحضرتك أستاذ محمد عادل السيد
التسجيل لطلبات ضم مدد العمل السابقة ينتهي اليوم 15 فبراير 2018
لكن الساعة التي ينتهي فيها طلب الضم امتى بالتحديد الله اعلم
بيقولى لا يمكن التسجيل ادخل رقم تليفون المنزل بشكل صحيح وكل ما اجى اكتب رقم تليفون المنزل لا يقبل الكتابة فى الخانة دى وبالتالى لا يتم الحفظ ماذا افعل
استاذ وليد اكتب رقم التليفون من الارقام اعلي حروف لوحة المفاتيح
أهلا بك أستاذ وليد
حول لغة الكتابة في لوحة المفاتيح انجليزي الأول وبعدها اكتب الارقام عادي وان شاء الله تقبل معاك
اكتب الأرقام من الأرقام إللى فوق الحروف
اكنت اعمل بمزرسة خاصة من 2001 و حني 2008
المدرسة تم تصغية اعملها. وبتلتالب لا يوجد اسم المدرسة صمن الاختيارات عاي الموقع
أهلا بك زائرنا الكريم
ضم المدة خاص بالعمل في أحد المدارس الحكومية العمل في المدارس الخاصة غير متاح له التسجيل على موقع الأكاديمية
مدة العمل في المدارس الخاصة ممكن تنضم للمعاشات لو حضرتك كان متأمن عليك فيها وممكن تنضم عن طريق قضية اسأل محامي متخصص قضاء إداري
ارجو الافاده يوجد لدى كذا عقد من 2009 الى2015 اكتب بداية التعاقد اول عقد ونهاية التعاقد اخر عقد
أهلا بحضرتك أستاذ محمد
لا كل عقد بتعمل طلب تسجيل مدة لوحدة منفصل
وبتضيف أكتر من طلب حسب عدد العقود الى عايز تضيف مدتها
وكل طلب ضم مدة بتكتب فيه تاريخ بداية ونهاية مدة العمل المطلوب ضمها بشكل منفصل
حضرتك أنا عندى مدة خدمه سابقه وعقود مع الأزهر ومرفق صور منها بملفى ستماره١٠٣. وكنت أريد أعرف الخانه المسموح إضافة المدد السابقه فى هيئات أخرى
أهلا بحضرتك أستاذة ريهام علي
أولا الي اعرفه ان مدام المدة اتسجلت في استمارة 103 فهي هتضم تلقائي لمدة خدمتك وممكن حضرتك تتأكدي من الإدارة التعليمية
ثانيا بكل أسف استمارة التسجيل الموجودة على موقع الأكاديمية مصممة لطلبات ضم المدد الخاصة بعقود وزارة التربية والتعليم
وغير موجود فيها ضم مدد الخبرة الخاصة بالهيئات الأخرى
لو ممكن حضرتك تسألي في الإدارة التعليمية التابعة لها مع ملاحظة أن أخر ميعاد لتسجيل طلبات الضم الإلكترونية غدا الخميس
اخر موعد لضم المده
أهلا بحضرتك زائرنا الكريم
آخر موعد لتسجيل طلبات الضم هو غدا الخميس الموافق 15 فبراير 2018
وفق ما هو وارد على موقع الأكاديمية المهنية الإلكتروني وصورة رسالة تحديد الميعاد موجودة في هذا المقال
السلام عليكم حضرتك بداية التعاقد عندي 1/1/2010 وتاريخ التعين هو 2/8/2012
بكتب هذا في
التعاقد من 01/01/2010
التعاقد الي 02/08/2012
بيظهرلي لابد أن يكون تاريخ نهاية التعاقد أقل من تاريخ التعيين
وعليكم السلام ورحمة الله
أهلا بحضرتك أستاذ رزق أبوعمر
بالتاكيد مش هيبقي يوم 2 هو نهاية العقد وفي نفس اليوم التعيين
على الأقل أعمل فرق يوم مثلا نهاية العقد 1/8 وشوف هيقبله ولا لا
وممكن حضرتك تسأل في الإدارة التعليمية التابع لها لمزيد من المعلومات والتأكيد
عايزه اعرف اخر موعد ضروري
أهلا بك زائرتنا الكريم
آخر موعد هو غدا الخميس إن شاء الله 15-2-2018 وفق ما هو ظاهر على موقع الأكاديمية المهنية للمعلم
لو سمحت رقم الموبايل مبيستجبش معايا اعمله ايه
أهلا بحضرتك أستاذ وسام رزق
حضرتك جرب معاه تاني وممكن حضرتك تكون بتكتبه بالعربي والمطلوب كتابة انجليزي حول لوحة المفاتيح الى انجليزي واكتب الرقم وان شاء الله يتسجل معاك
هل ممكن ادخل اسجل من موبييل ولا لازم جهاز كمبيوتر
أهلا بحضرتك أستاذ محمد فتحي
بصراحة لم أجرب تقديم استمارة التسجيل من الموبايل
لكن بشكل عام متفرقش اذا كان موبايل أو كمبيوتر أهم شئ جهاز تستطيع من خلاله الدخول إلى موقع الأكاديمية المهنية للمعلم وملء البيانات المطلوبة ورفع صورة العقد
الأكاديمية مش هيفرق معاها انت سجلت من جهاز نوعه أيه
بعد الحفظ ظهر فى خانة صورة التعاقد ( لم يتم اختيار أى ملف ) علما بأن الصورة سكانر 157 ك.ب
أهلا بحضرتك أستاذ علي حسن
ممكن حضرتك تعمل طلب تسجيل جديد لغاية ما يظبط معاك بعدها امسح الطلبات الغير مستوفية وخلي طلب ضم مدة واحد فقط
ﺍﻟﺴﻼﻡ ﻋﻠﻴﻜﻢ
ﻟﻮ ﺳﻤﺤﺖ ﺍﻧﺎ ﺿﻤﻴﺖ ﺳﻨﻴﻦ ﺍﻟﺤﺼﻪ ﺑﻘﻀﻴﻪ ﻭﻛﺴﺒﺘﻬﺎ
ﻫﻞ ﻳﻨﻔﻊ ﺍﺿﻢ ﻣﺪﻩ ﺍﻟﻤﻋﻠﻢ ﺍﻟﻤﺴﺎﻋﺪ ﻭﻫﻲ ﺳﻨﺘﻴﻦ
وعليكم السلام ورحمة الله وبركاته
في خلاف في أحقية تقديم طلب ضم لمدة المعلم المساعد
لكن أغلب الناس بتسجل طلب الضم وخلاص بنظام أحنا مش هنخسر حاجة لو متقبلش
اخر ميعاد لتسجيل البيانات دي امتي
أهلا بحضرتك أستاذة إيمان محمد
لا يوجد ميعاد محدد من قبل الوزارة لآخر ميعاد لتقديم الطلبات
لكن الأحسن والأفضل الأسراع في التقديم لان الله اعلم هيتم اغلاق باب التسجيل في موقع الأكاديمية امتى
سلام عليكم انا لو عمله اعفاء من الخدمه العامه تنضاف ولا لا
وعليكم السلام ورحمة الله وبركاته
أولا طلبات الضم خاصة بعقود العمل في التدريس مش ضم أي حاجة سواء كانت خدمة عامة أو جيش أو غيرها
ثانيا حضرتك عاملة اعفاء من الخدمة العامة يبقى هتنضاف ازاي؟
مثال لها واحد أخد اعفاء من الجيش هل هينفع يضم مدة الجيش طيب يضمها على أساس أيه
لازم اصور اول ورقه في العقد ولازم تكون مكتوب فيها صوره طبق الاصل وهل لازم سكنر ابيض واسود ولا الوان
أهلا بحضرتك أم محمد
بلاش حضرتك تصعبيها على نفسك
الناس بترفع صورة العقد أول ورقة وخلاص
حضرتك عايزة تجودي في الموضوع تمام ممكن تعمليها صورة طبق الأصل من المدرسة وترفعيها اسكانر
مع ملاحظة الاسكانر متفرقش معاه الصورة ألوان أو أبيض وأسود
لو سمحت هو تاريخ انتهاء التعاقد أكتب فيه تاريخ استلام العمل ولا تاريخ التعيين لأن الفرق بينهم سنتين عندي
أرجو الرد، وشكرا
أهلا بحضرتك زائرنا الكريم
تاريخ انتهاء العقد مالوش علاقة بتاريخ استلام العمل أو تاريخ التعيين
مثلا حضرتك مضيت عقد مدته سنة من تاريخ كذا إلى تاريخ كذا
حضرتك كملت العقد تمام عندك تاريخ انتهاء العقد
حضرتك لم تكمل العقد وانهي لأي سبب ممكن تحدد التاريخ الي تم انهائه فيه
لوسمحت انا من 22 سنة اشتغلت مدرسة بالأجر لمدة ثلاثة شهور في مدرسة حكومية وبعد ذلك عملت في مدرسة خاصة لمدة عامين وبعد كده اتعينت في مدرسة حكومية اخصائي وضميت عام من العمل في المدرسة الخاصة تامينات وليس خبرة وبعد ذلك انتقلت نقلا تاما الى ديوان الوزارة.فهل يحق لي ان اضم فترة العمل في المدرسة الخاصة خبرة
أهلا بحضرتك أستاذتنا
زي ما حصل معاكي سنوات العمل في القطاع الخاص تتضاف للتأمينات عادي إذا كان متأمن على حضرتك فيها
لكن السؤال هنا هل يجوز ضم مدة العمل في المدرسة الخاصة إلى سنوات الخبرة؟
بالنسبة لطلبات التسجيل على موقع الأكاديمية حاليا بالتأكيد ماينفعش
لكن في طريقة أخرى ممكن حضرتك تسألي فيها محامي وهي ترفعي قضية في القضاء الإداري
حضرتك استشيري محامي ثقة متخصص في القضاء الإداري في قصة ضم مدة العمل في المدرسة الخاصة لسنوات الخبرة وإن شاء الله يفيدك
لو سمحت يا استاذ أحمد أنا اشتغلت من 2002الى2009 عقود بس كأن
العقد لما جنى نكتبه من 3 نسخ المده فيها كانت 3شهور وهما يعطونا
نسخه واحده فيها 3شهور بالرغم من أنا كان بتشتغل 6شهور وتجدد ومتى
إقرار القيام بالعمل وجواب من الشغل بس مش مكتوب فيه فتره الانتهاء ينفع
تدخله وله الفتره ده تحسب معاش ولا أقدمية ولو أنا مكتوب فى صفحتى تاريخ التعيين ده بيكون أقدمية للترقية ولا مكتوب كده
أهلا بحضرتك أستاذة عبير
أولا تاريخ التعيين المكتوب في صفحتك في موقع الأكاديمية المهنية هو التاريخ الذي يتم عليه حساب المدة البينية اللازمة للترقيات وهو الأساس
ثانيا بالنسبة لمشكلة العقود والي كان بيحصل فيها بصراحة مش عايز أقول لحضرتك معلومة خطأ
الأحسن حضرتك أسالي في الإدارة التعليمية التابعة لها
مع ملاحظة أن مافيش رائي نهائي موحد في مشاكل تسجيل طلبات الضم والناس ماشية بالبركة وخلاص في تسجيل الطلبات
ارجو الرد سريعا واحب اخباركم ان الصفحة اعجبتني
ولكن اريد الرد سريعا انا خائف :'(
أهلا بحضرتك استاذ محمد
بصراحة لا أعلم إجابة أكيدة قاطعة لمشكلة حضرتك
لكن من متابعتي للموقع اعتقد لا يوجد تعديل لطلبات ضم المدة
وممكن حضرتك تتدخل على حسابك في موقع الأكاديمية المهنية وتتأكد
وممكن تسأل في الإدارة التعليمية التابع لها قسم الأحصاء وتشوف هل ينفع يعدلوا الطلب من عندهم ولا أيه الحل من وجهة نظرهم
وإن شاء الله يفيدوك بالحل الأمثل
لو سمحت استاذ احمد انا قمت بدمج ثلاث مدد للخدمة في مدة واحدة وتم تسجيلها على الموقع بصورة خاطئة هل يمكن تعديلها
حضرتك أنا قبل عقدالمعلم المساعد اشتغلت بالعقد المميز من ٢٠٠٥ حتى ٢٠٠٨
لكن للأسف مش لاقي العقود إيه الحل؟
هناك اوراق تكون بديلا من العقود
حضرتك أسال في الإدارة التعليمية التابع لها وأن شاء الله يفيدوك بالحل
لو سمحت انا غلطت مرتين في انتهاء التاريخ وهدأت واحد والرأي لو حذفت الثاني بتعذيبه لما يقبل العقد لأنى حد أقصى خمسه ‘في الإحصاء قالوا منعرفش حاجه مباشر دعوه اعمل ايه
أهلا بحضرتك أستاذ باكي أحمد
بصراحة الله اعلم
ليس لدي علم لحل مشكلتك فالموضوع معقد
بشكل عام إذا تضاربت الأراء في موضوع فاسأل ناس كتير لحد ما تجيب الفايدة ولو مافيش حد فادك يبقى اتخذ القرار وانت ونصيبك لان كل شئ مكتوب في الآخر
لو سمحت انا اشتغلت بالمكافأة الشاملة فى مدرسة وبعد شهرين تم نقلى الى مدرسة اخرى وبعد سنتين حصلت على عقد مميز لما اسجل اكتب اسم المدرسة الأولى بالمدة من تاريخ العمل بالمكافأة الشاملة حتى الحصول على العقد المميز
أهلا بحضرتك أستاذ عمر
حضرتك فكرة الضم بتتلخص ان يكون معاك عقد بالمدة دي رسمي
طالما معاك عقد هتقدم طلب ضم المدة ان شاء الله بالنسبة لكتابة المدرسة بصراحة مش متأكد الاحسن حضرتك تسأل في الإدارة التعليمية التابع لها
السلام عليكم
سؤالي هل يوجد حد أقصى للطلبات انا قدمت 4 عقود وعند العقد رقم5 ظهرت رسالة حاول مرة أخرى وحاولت وظهرت تاني افيدونا
وعليكم السلام ورحمة الله وبركاته
أهلا بحضرتك أستاذ مصطفي يوسف
بصراحة حالة حضرتك نادرة وليس لدي علم بفكرة ضم أكثر من أربعة عقود
ممكن حضرتك تسأل في الإدارة التعليمية التابع لها
وممكن حضرتك تجرب من جهاز آخر لعل وعسى تفتح معاك تسجيل ضم العقد الخامس
السلام عليكم
انا اشتغلت من تاريخ 1/11/2007 الي 31/5/2008 ومن 1/10/2008 الي 30/9/2010 ده قبل مع ضمهم في الطلب0
في من 1/10/2010 الي 30/9/2011 مش قابل في ررساله بتظهر معناها تاريخ التعيين قبل المده
لما عملت طباعه تقارير دا تاريخ التعين 10/2008 ارجو الافاده
شكرا
وعليكم السلام ورحمة الله وبركاته
أهلا بحضرتك أستاذة منال
تمام حضرتك مثبت في صحيفة الأحوال الخاصة بك انك اتعينتي على درجة مالية في 10/2008 يبقى ازاي هتضمي مدة عقد وانتي متعينة
لو في مشكلة أو خطأ في تاريخ التعيين ممكن حضرتك تعدلي بياناتك في قسم الاحصاء بالإدارة التعليمية التابعة لها
وممكن حضرتك تستشيري القسم في الإدارة التعليمية ممكن يفيدوكي بالمعلومات أكتر مني
لو سمحتو ليه مش متاح ضم مده العمل بالحصه فالمعاهد الازهريه مثل المدارس الخاصة وخصوصا اننا كنا بتشتغل في نفس تخصصنا
ممكن حضرتك تتابعي شروط ضم مدة السنوات السابقة والخبرة لمعلمي الأزهر الشريف الي كانت مطلوبة خلال الفترة الماضية عبر الموضع على الرابط التالي
https://www.ngmisr.com/education/%d8%b6%d9%85-%d9%85%d8%af%d8%a9-%d8%a7%d9%84%d8%ae%d8%a8%d8%b1%d8%a9-%d8%a7%d9%84%d8%b3%d8%a7%d8%a8%d9%82%d8%a9-%d9%84%d9%85%d8%b9%d9%84%d9%85%d9%8a-%d8%a7%d9%84%d8%a3%d8%b2%d9%87%d8%b1
لو سمحتوا يا اساتذة اعرف ازاي انه تم قبول الاضافة انا سجلت وحفظت وطبعت الصفحة بس مش عارف الاضافة تمت والا لا ارجو الافادة وجزاكم الله خيرا
أهلا بحضرتك أستاذ سعيد محمود العزب
المتاح حاليا والمعلن من قبل الوزارة هو تسجيل طلبات ضم مدة الخبرة
لكن هل الطلب قبل وما هي الخطوات التالية للتسجيل في موقع الأكاديمية المهنية كل هذا لم يعلن حتى الآن
بشكل عام في انتظار توضيح وزارة التربية والتعليم للخطوات التالية ان شاء الله
انا تعين 2013 وكنت ضامه سنتين تعاقد وبقيت 2011 ولما نزل ضم المده الاحصاء رحعني تاني 2013 وروحت سجلت في الموقع وفضل تاريخ التعين زي ما هو لم يتم ضم المده هو كده صح ولا في حاجه غلط ارجو الافاده
أهلا بحضرتك أستاذة منة
طلب الضم مش بيبقى لحظي
يعني مش معنى ان حضرتك سجلتي طلب ضم المدة على موقع الأكاديمية المهنية للمعلم ان صحيفة الاحوال الخاصة بك هتتغير حالا وهتتضاف المدة لك في بيان حالتك
المعلوم للجميع الآن ان طلبات التسجيل مفتوحة للجميع
لكن متى تتضاف هذه المدة فعليا وكيف يعرف المعلم هل قبل طلب الضم او لا كل هذا غير معلن حتى الآن من قبل الوزارة
لو سمحت انا ليا عقد محلي بتاريخ1/6/2011
وليس مسجل به تاريخ انتهاء وبعد كدا عملت تعاقد معلم مساعد سنة 2013 بتاريخ قديم 1/3/2011
اضم العقد المحلي ازاي
اكتب ايه في خانة تاريخ الانتهاء
أهلا بحضرتك أستاذ رشا حسن
حضرتك بتقولي انك عملتي عقد المعلم المساعد بتاريخ قديم
يعني المفروض نظريا ان المدة دي مضمومة لك يبقى ازاي هتطالبي بضمها مرة تاني بعقد آخر؟
هل الحركة بتاعة امضاء العقد في 2013 بتاريخ قديم قانونية؟
ممكن حضرتك تسألي أهل الثقة بالنسبة لك وتسالي في الادارة التابعة لها علشان متقعيش في مشكلة
طب لو في عقد ساقط مش موجود ينفع ارفع اقرار القيام بالعمل ولا لازم اروح اجيب استمارة صرف المرتب وارفعها
أهلا بحضرتك أستاذ محمد سعيد
الذي أعلمه ان طلب الضم بيتم من خلال صورة العقد
لكن ما هي الحالة في حالة عدم وجود العقد وما هي المستندات البديلة عن صورة العقد الله اعلم
ممكن حضرتك تسأل في قسم الأحصاء بالادارة التعليمية التابع لها وان شاء الله يفيدوك بالحل
ماذا يقصد بسبب ايه انتهى العقد
أهلا بك زائرنا الكريم
واضح سبب انهاء العقد ايه السبب مثلا حضرتك انقطعت عن العمل مثلا تاريخ العقد انتهى مثلا تم انهاء العقد من قبل المديرية وغيرها من الاسباب التي قد تؤدي إلى انتهاء عقد المعلم
من فضلك انا معايا استمارة 103 عن سنتين اشتغلت هم بالعقد المميز و إقرارات القيام بالعمل بتاعتهم و استمارة فلوس المكافأة اللي مدرج بيها اسمي و جواب التعيين بالعقد المميز لسنة منهم +جوابات العمل بالحصة ارفع أيا منهم على موقع الوزارة لأن الموقع محدد مساحة معينة و عدد معين من الصور
أهلا بحضرتك أستاذة نهى
الى اعرفه ان مدام المدة مثبتة في استمارة 103 يبقى المفروض المدة هتنضم لك تلقائي
ممكن حضرتك تسألي في الادارة التعليمية علشان تتاكدي من هذه المعلومة
وبالمرة تسألي عن المستندات التي تغني عن صورة العقد اثناء تسجيل طلب ضم المدة
هل هناك مزايا مالية للضم
أهلا بحضرتك أستاذ عبدالحميد
بالتاكيد في مزايا مالية لضم أي مدة سواء كانت جيش أو خدمة عامة أو خبرة تقريبا بتاخد علاوة أو حافز
بالإضافة إلى انها بتتضاف للمعاشات
اخر يوم والموقع يقفل امتى
نهاية الشهر
أهلا بحضرتك زائرنا الكريم
الموقع مش محدد مدة معينة وتاريخ ينتهي بعده تقديم طلبات ضم المدد السابقة، لكن الأحسن التعجيل بتقديم طلب ضم السنوات السابقة، لان في أي لحظة ممكن يقفل
يعنى يا فندم الضم للمكافاة الشاملة والحصة فقط انما العقد المميز ما لوش ضم مدة… نرجوا الافادة
أهلا بحضرتك أستاذ إسماعيل محمد
ضم المدد يشمل كل أنواع العقود بس بشرط يكون معاك عقد رسمي بالمدة دي وتكون خلال المدة دي أسمك موجود في كشوف الماهيات وبتقبض مرتب
مهما كان أسم العقد أيه سواء مميز أو بالحصة أو عقد محافظ أو غيرها من العقود الي كانت موجوده زمان
وحضرتك ممكن تسأل في الإدارة التعليمية التابع لها للتأكيد
لم يتم الحفظ حاول مرة اخرىCannot insert duplicate key row in object ‘dbo.EMP_PAST_JOBS’ with unique index ‘IX_EMP_PAST_JOBS’. The duplicate key value is (2812300, 509, 15001535, 2013-07-01, 2016-02-17). The statement has been terminated.
لوسمحت كل ما أحاول اضم المدة تطلعلي الرسالة دي ومع بعض زملائي طلعلهم تم الحفظ علما بأنني ف فترة اجازة للتعاقد
أهلا بحضرتك أستاذ حماده
في الإغلب حضرتك بتكتب التاريخ بطريقة خطأ
في موقع الأكاديمية المهنية للمعلم عند تسجيل طلب المدة ظاهر لك تنويه بخصوص طريقة كتابة تاريخ مدة العقد الصحيحة
ممكن حضرتك تتبعها لو المشكلة متحلتش ممكن تشوف أحد زملائك الى نجحوا في تسجيل طلب الضم وتخليه يعمله لك
انا تاريخ تعيينى 2013 بس انا كنت عملت خدمة عامة سنه 2005 وجه قرار بضمها فتاريخ التعيين اتقدم بقى 2012 فكلما اكتب ضم المدة من 2010 : 2013 لا يستجيب كده راح عليه سنه والمسئولين فى الادارة مش عارفين حاجة
أهلا بك زائرنا الكريم لموقع نجوم مصرية
توضيح كل إدارة ومحافظة لها رأي في قصة ضم مدد الخبرة ومافيش رائي نهائي قاطع موحد على مستوى الجمهورية
ممكن حضرتك تسجل طلب الضم وفق ما هو متاح لك في الموقع الإلكتروني
ولو في فرق سنة مثلا ابقى تابع الموقع لو يسمح يضمها لوحدها أو تشوف محامي وترفع قضية في القضاء الإداري لضمها
انا بشتغل من 2002 وانا مش معايا الورقه اللي بتثبت ده واناوانا منقطعتش عن العمل و انا تعين معلم مساعد 2011 وتم الترقيه الي المعلم في 2016 هل يجوز لي ضم المده
ملحوظه انا معايا ورق يثبت شغلي بس من 2006
أهلا بك زائرنا الكريم
فكرة أي تقديم حكومي يبقى معاك ورق رسمي
لو مش معاك ورق رسمي بالمدد دي أو مش هتقدر حتى تجيب الورق ده مستقبلا يبقى مش هتنفع تضمها عن طريق التسجيل الإلكتروني وممكن حضرتك تسأل في الإدارة التعليمية التابع لها لو مقدرتش توصل لحل أو ورق ممكن تستشير محامي
بالنسبة للمدة الى معاك ورق بها يثبتها قدم طلب ضم مدة على موقع الأكاديمية المهنية وإن شاء الله تنضم لك
لو سمحت انا اشتغلت بالحصه ومعايا إفادة من كل مدرسه اشتغلت فيها بوقت البدايه والنهايه ومختومه بختم المدرسه هينفع أضم السنين دي ولا ايه
أهلا بحضرتك أستاذة نادية فوزي
بصراحة مش متاكد
موقع الأكاديمية يتحدث عن صورة عقد وليس إفادة من المدرسة
ممكن حضرتك تسألي في الادارة التعليمة التابعة لها لان كل إدارة لها وجهة نظر في الموضوع
ثانيا ممكن تسجلي طلب مدة وخلاص بصورة الافادة دي مش هتخسري حاجة
أنا من تعيينات حملة الماجستير سنة 2015 ، و قد سبق لي العمل قبل التعيين في مدرسة خاصة من 2012 حتى 2015 ، فهل يحق لي التقدم بضم هذه المدة
أهلا بك دكتورة هند محمد السيد
التسجيل لضم المدة يتحدث عن ضم المدد السابقة في العمل الحكومي مش المدارس الخاصة
مدة المدرسة الخاصة لو كان متأمن عليكي فيها ممكن تتضم في المعاشات لكن مش في سنوات الخبرة الحكومية
هل يجب ان تكون صور العقود صورة طبق الاصل مختومة من الادارة التى يتبع لها المعلم ام تكون صورة عادية
أهلا بك أستاذة منال
بالتأكيد صورة رسمية مختومة ومعترف بها من صورة العقد الي حضرتك كنتي شغاله به
انا اشتغلت سنتين عقد مميز 2006-2007 وبعد كدة اشتغلت معلم مساعد ثلاث سنوات من2008إلى 2010 هل يجوز ضم هذة المدة وللعلم هناك بعض المحافظات تضم فترة العمل كمعلم مساعد بدون قضاء
أهلا بحضرتك أستاذ محمود عبد الحي
بشكل عام الضم لجميع المدد
لكن في لخبطة في قصة أحقية ضم مدة معلم مساعد
في ناس بتقول أه تضم وفي ناس بتقول لا مدة المعلم المساعد دي مدة أولية أساسية كشرط للعمل
بشكل عام حضرتك قدم طلب ضم مدة العقد المميز
ومدة عقد المعلم المساعد زى ما حضرتك قولت في محافظات بتضمها من غير قضية ممكن تسأل المحافظة عندك نظامها أيه وبعدها تقرر
انا اشتغلت سنتين عقد مميز 2006-2007وبعدين ثلاث سنوات معلم مساعد 2008-2009-2010الى ان تم تثبيتى2011 هل يجوز ضم كل المدد قبل التثبيت على العلم أن هناك بعض المحافظات ضمت اتوماتيك سنين العمل كمعلم مساعد
أهلا بحضرتك أستاذة فيحاء الطاهر
أولا مدة العقد المميز من حقك تقدمي طلب تسجيل لها في موقع الأكاديمية المهنية
ثانيا مدة المعلم المساعد في اختلاف اراء كبير هل يحق للمعلم ضمها أو لا
ممكن حضرتك تسألي في الإدارة التعليمية التابعة لها وتشوفي وجهة نظرهم أيه
لان كل محافظة وإدارة قد يكون لها رأي مختلف عن الآخرى
هل يجوز ضم مدة العمل بالازهر
أهلا بحضرتك أستاذ محمود عبدالحي
هذا التسجيل على موقع الأكاديمية الإلكتروني خاص بمعلمي وزارة التربية والتعليم
بالنسبة لمعلمي الأزهر شوفت منشور له خاص بضم مدد الخبرة السابقة لكن ورقي مش إلكتروني
ممكن حضرتك تسأل في المنطقة الأزهرية التابع لها للتأكيد ومعرفة الخطوات
السلام عليكم
لو سمحت انا اشتغلت من 2006 حتى 1/7/2011تعاقد عادى
بالمكافاة ومن 7/2011 حتى 5/2/2014 تعاقد مميز تمام
ورحت اسجل ضافولى المميز بس ايه الصح اروحلهم تانى
وهو التقديم التسجيل بالنت بس ولا ف اوراق بتتقدم
وعليكم السلام ورحمة الله وبركاته
بداية التقديم للتسجيل حاليا الكتروني احتمال بعد التقديم يبقى يطلب أوراق ايه هي الله اعلم
بالنسبة لضم مدد حضرتك فانتي ضميتي واحده فيهم
المدة الثانية اعملي لها طلب ضم مدة إلكتروني على موقع الأكاديمية المهنية
وممكن حضرتك تسألي في الإدارة التعليمية مش هتخسري حاجة برده يمكن يكون لهم وجهة نظر آخرى
انا من دفعة تعيين 2011 فلماذا لم يتيح لنا تسجيل ضم الخدمة السابقة ؟؟؟؟؟
وتظهر لنا رسالة هذا المستخدم مغلق الان .
أهلا بحضرتك أستاذة هدى كمال
بصراحة لا اعلم المشكلة في الموقع ولا فين بالظبط
الحل التقليدي جربي تسجيل الدخول من جهاز آخر
لوسمحت انا معايا حكم قضائى بضم المدة فهل يجوز ضمها دلوقتى ولا لآ
أهلا بحضرتك أستاذة ليلي
الحكم القضائي مسار تنفيذه يختلف عن هذا الضم
بشكل عام حضرتك امشي في الطريقين
قدمي طلب ضم مدة من موقع الأكاديمية المهنية
وأمشي انتي والمحامي في طريق تنفيذ الحكم القضائي
وممكن حضرتك تسألي في الإدارة التعليمية وتستشيري المحامي الخاص بك
أنا اشتغلت معلم مساعد بعقد مميز من 2009 حتى 2012 هل يحق لى ضم هذه المدة وينفع من التليفون عادى ولا لازم اسكنار
أهلا بحضرتك أستاذة جودي أحمد
بالتأكيد يحق لك ضم هذه المدة ان شاء الله
لو مافيش حل أمامك ممكن تجربي صورة من الموبايل وانت ونصيبك
لكن نصيحتي الافضل يبقى في المضمون وتبقى الصورة متاخدة اسكانر علشان تبقى واضحة
لو سمخت أنا كنت باعمل بنظام الحصة ( المكافأة ) منذ عام 1999 م . فى الادارة لم يوافقوا على اعطائنا ما يفيد عملنا بالحصة فى هذه الفترة بحجة ان المستندات بيتخلصوا منها بعد 5 سنوات وقالولنا نذهب الى المدارس التى عملنا بها ونأخذ خطاب يفيد بالمدة التى عملنا فيها بنظام الخصة . وبالبفعل خصلنا على هذه الخطابات وهى مختومة بخاتم المدارس التى عملت بها هل هذه الخطابات يعترف بها ؟ وهل نسجل بها ؟
أهلا بحضرتك أستاذة حنان
إذا الوضع على هذا الحال المذكور مافيش قدامكم غير تجربة التسجيل لطلب المدة مش هتخسروا حاجة
بعدها الرائي النهائي هيبقى للوزارة والقائمين على عملية ضم المدد السابقة وهل هيوافقوا ولا لا الله اعلم
لكن الفكرة بشكل عام انك في وضع قائم واحسن تصرف له هو تسجيل الطلب بصورة الجواب
وممكن حضرتك تسألي في المديرية التعليمية أو الوزارة ممكن حد يفيدك أحسن مني
لاتوجد ايقونة ضم المدة علما بأني في اجازة للتعاقد الشخصي
أهلا بحضرتك أستاذ علاء جمال محمد
الله اعلم المشكلة فين بالنسبة لك
لكن معروف الحل التقليدي هو انك تجرب الدخول إلى الموقع من جهاز آخر
لوسمحت انا معلم اول لايوجد لى ايقونة لضم مدة
أهلا بحضرتك أستاذة سارة فتحي
بصراحة مش متأكد المشكلة فين عندك وأيه حلها
الأحسن تجربي الحل التقليدي وهو تسجيل الدخول إلى موقع الأكاديمية المهنية من جهاز كمبيوتر آخر
إذا ظلت المشكلة موجودة ممكن حضرتك تسألي في الإدارة التعليمية التابعة لها
بالتوفيق لك إن شاء الله
بالنسبة للناس اللى اشتغلت بالاجر مفيش عقد ينفع جواب الندب ولا لازم ورقة من الادارة التعليمية
أهلا بحضرتك أستاذ مروان سعيد
لإجابة أكيدة قاطعة الأحسن السؤال في الإدارة التعليمية التابع لها
وسارع بالسؤال قبل غلق باب التسجيل لطلب مدد الخبرة السابقة
السلام عليكم .انا تعاقد2009و تعيني2014وسجلت طلب ضم مده الخدمه بصورة اول تعاقد فط .ينفع
كده ونكتب اي في خانه سبب انتهاء التعاقد
ارجو الرد
وعليكم السلام ورحمة الله
بالنسبة لصورة العقد الكل بيرفع أول ورقة الي فيها البيانات مش بيرفع صورة العقد كامل
بالنسبة لسبب انهاء العقد تكتب حضرتك نهيته ليه اي سبب مناسب وخلاص
الفكرة الاساسية هي انك كنت بتشتغل ومعاك العقد الذي يثبت ذلك اعتقد مش مهم السبب وممكن حضرتك تتأكد من الإدارة التعليمية التابع لها
لو سمحت انا اشتغلت 2009 حصة بدون مؤقت ثم عام 2012 بالحصة ثمخذنا عقد مميز هل يتم ضم مدة العمل بالحصة للعام 2009 لان الرابط يعطى بداية ونهاية العقد ليس العمل بالحصة
أهلا بحضرتك أستاذة إسراء محمد
إلى اعرفه أن ضم المدة بيتم من خلال صورة العقد
أي مدة معاكي صورة عقد لها ممكن تضميها أن شاء الله
مهما كان نوع العقد سواء حصة أو مميز أو غيرها من العقود إلى كانت زمان
طيب أيه العمل في المدد الى ملهاش عقد؟
الأحسن من وجهة نظري حضرتك تسألي في قسم الإحصاء في الإدارة التعليمية التابعة لها علشان تبقي معلومة أكيدة
لان كل ادارة وكل مديرية لها وجهة نظر قد تختلف من محافظة إلى اخرى
حضرتك بعد ما اسجل على الموقع كدة تم ضم سنوات العقد ولا فية اجرات تانى فى الادارة
المعلن حتى الآن هو تسجيل طلبات الضم على الموقع الإلكتروني الخاص بالأكاديمية المهنية للمعلمين
أيه الخطوات الى بعد كده ومتى يتم الضم وما هي المدة اللازمة غير معلن حتى الآن
بشكل مبدئي حضرتك سجل طلب ضم المدة وأطبع صورة منه ونشوف وزارة التربية والتعليمية هتقول ايه خلال الأيام القادمة إن شاء الله
لوسمحت انا معاية عقد مميز وعاوزة ارفع صور ليه بس هو ثلاث اوراق يعني هيكون ثلاث صور ارفعهم ازاي ممكن الرد
أهلا بحضرتك أستاذة هدي أحمد
حضرتك الى بيعمل ضم بيرفع صورة أول ورقة فقط، يعني خدي صورة أول ورقة من العقد الى فيها البيانات وارفعيها مش لازم الثلاث ورقات
وممكن حضرتك تتأكدي من الإدارة التعليمية التابعة لها
لان كل إدارة لها رأي قد يختلف عن الأخرى
لو سمحت انا اشتغلت معلم مساعد بالعقد المميز من 2011-2013 يحق لى ضم المده ومعى صوره من العقد
أهلا بحضرتك
يحق لك أن شاء الله ضم تلك المدة
فسارع قبل انتهاء مدة تقديم الطلبات
انا تعيين 2002 واشتغلت قبل كدة بالاجر من1996الي2000 وبعد كده اتعقت2003 هل يحق لي ضم هذه المده كما هو موضح بالاعلان للأكاديمية
أهلا بحضرتك أستاذة ابتسام محمد
بالتأكيد يحق لك ضم هذه المدة لكن بشرط توافر صورة من العقد لتقديم طلب
بشكل عام حضرتك مش هتخسري حاجة لما تقدمي الطلب
والله تم قبول طلب الضم خير وبركة لم يتم القبول لن تخسري شئ
وممكن حضرتك تسألي في قسم الإحصاء في الإدارة التعليمية للتأكيد
انا تعيين 2002 واشتغلت قبل كدة بالاجر من1997الي2000وبعد ككده اتعقت2003 هل لي حق في ضم هذه المده كما هو موضح بالاعلان السابق للأكاديمية
هل اقصي مده خمس سنوات فقط او اكثر من ذلك؟
لست متأكد بخصوص أقصى مدة وفي تضارب في الأراء في المديريات التعليمية بشأن ضم المدد
اخر موعد لضم المدة امته
الإعلان مش محدد ميعاد لإنهاء مدة الضم
لكن الأحسن حضرتك تقومي بالإسراع في تقديم الطلب علشان تبقي في الأمان
يا فندم انا من تعيين 2011 وكل ما أدى ادخل على موقع ضم المد لا تظهر أيقونة ضم المدة العمل ايه ارجو الرد وشكرا
أهلا بحضرتك أستاذة مروى سعيد عبد الباقي
حضرتك جربي تسجيلي دخول من متصف آخر أو جهاز كمبيوتر آخر
ده الحل الوحيد المتاح حاليا لك وان شاء الله تظر أيقونة ضم المدة
وممكن تسألي في الإدارة التعليمية التابعة لها لو المشكلة ظلت مستمرة معاكي
السلام عليكم
هو موضوع ضم المدة توقف؟
أنا عندي مش بيطلع خيار ضم المدة بس تسجيل التدريبات السابقة مع إني لي مدة من 2008 وحتى 2011
وعليكم السلام ورحمة الله
أهلا بحضرتك أستاذ عاطف محمد طنطاوي
لا طلبات ضم المدة مستمرة حتى الآن
ممكن حضرتك تجرب تسجيل الدخول من متصفح أو جهاز كمبيوتر آخر
لو سمحت نسأل بالظبط فين عشان أنا مش عارفة؟
أهلا بحضرتك
أي مشكلة تواجهك في طلبات الضم ممكن تسألي في الإدارة التعليمية التابعة لها قسم الإحصاء
مع ملاحظة أن كل مديرية التعليمية لها رأي قد يختلف عن الأخرى
قبل ما نعمل عقد الاجر كنت بشتغل فالمدرسه بجواب من الموجه
هل ارفه صورة الجواب ده ولا ارفع العقد بتاع الاجر ولا الاتنين هل ينفع ارفه اكتر من صوره؟
وبعد ما عملنا عقد الاجر اتنقلت الى مدرسه تانيه هل ده عادى؟
عقد الاجر مش عارفه انتهى امتى؟ وممكن يبقو جددوه على ما نعمل عقد المعلم المساعه فى شهر اربعه 2014 اعرف ازاى؟
واكتب ايه سبب انتهائه؟
لو لك أكتر من مدة خبرة سابقة بأكتر من عقد تقدري ترفعيهم عادي بعد اضافة الاول بتضيفي الثاني والثالث …الخ
بالنسبة لباقي أسئلتك حضرتك الأحسن اسالي في الادارة التعليمية التابعة لها أو المديرية التعليمية للاسف مش هقدر أفيدك
لاحظت بان كل تعيين 2011 ليس لهم ضم خدمة المعلم المساعد
الجميع متاح ليه ضم مدة الخبرة لا يوجد استثناءات
اهم شئ يكون معاك صورة من العقد
دخلت علي الموقع ولم اجد تسجيل المدة السابقة
أهلا بحضرتك أستاذ سعيد السيد أحمد
شرح ضم المدة مذكور بالتفصيل بالصور
لا اعلم أين المشكلة وما هو الحل في ضم المدة السابقة بالنسبة لك
ممكن حضرتك تجرب تسجيل الدخول من مكان آخر أو جهاز أخر
مش عارف ادخل عل رابط اضافة مدة خدمة معلم خاضع القانون 155 لسنة 2007. الرجاءالمساعدة
أهلا بحضرتك أستاذنا الفاضل وجدي عاطف بباوي
إذا حضرتك واجهتك مشكلة في تسجيل الدخول إلى الموقع ممكن تستعين بأحد أقربائك أو أصدقاءك
الحل الأخير انك تروح سيبر نت وهو هيقوم بالواجب
أهم حاجة يكون معاك كود المعلم والرقم السري وبتجيبهم من الإحصاء في الإدارة التعليمية التابع لها