إمرأة تسأل مفتي الجمهورية على حكم إخراج صدقة جارية على روح قطة

اتصلت إمرأة تدعي مني، بفضيلة الدكتور على جمعة منفتي الجمهورية، ذلك من خلال برنامج الله أعلم المذاع على فضائية CBC؛ ذلك لكي تسأله عن حكم الشرع في عمل صدقة جارية على روح قطة.

إمرأة تسأل مفتي الجمهورية على حكم إخراج صدقة جارية على روح قطة 1 30/1/2018 - 7:11 م

قالت مني وهي باكية” أنا كلمت حضرتك قبل كده المرة دي عندي سؤال تاني، أنا كان عندي قطة، من 12 سنة، فضلت عايشة معايا أنا وهي في البيت لواحدينا، عملتلها كل حاجة”.

وأضافت أيضاً” أنا عمري ماقصرت فيها في أكل ولا شرب، كنت بأكلها وأشربها وكل حاجة، وتوفت وهي على كتفي من يومين، وكانت على كتفي وروحها بتطلع وهي على كتفي، أنا غسلتها كويس وتطهرتها وكفنتها وتشهدت عليها ودفنتها بما يرضي ربنا”.

وأشارت ” أنا عايزة أسال بس ممكن يكون في صدقة أقدمهلها، ايه الدعاء اللي ممكن أدعوهلها، أدعي لنفسي عشان أهدأ شوية”.

رد فضيلة الدكتور على جمعة مفتي الجمهورية قائلاً” هي القصة إنها مش محاسبة ولا عندها ذبوب وماعندهاش حساب وماعندهاش إشكال في تحمل الأمانة”.

وأكد أيضاً” هي ربنا رحمها بدل ماتمرض وبدل ماتبدل وتأخد أدوية وخقن والحاجات دي وكدة، ربنا رحمه ؛ لأنه رحيم وكل حاجة حصلت دي من الرحمة بتاعت ربنا لهذه القطة”.

وأوضح أيضاً” إنتي عملتي الحاجة اللي أمر بها الشرع أنك تأكيليها وتشربها وتعتني بها وتنيميها وتعلاجيها إلي أخره، وأنتي قومتى بكدة وزيادة والحمد لله رب العالمين،  أن ربنا وفقك إلي هذا الخير اللي إنتي عملتيه”.

وتابع” أما من ناحية الشرع فاكثري من الصلاة على النبي -صلي الله عليه وسلم- والصلاة بتفتح أبواب الجنان وأبواب الرحمات الضخمة الكبيرة، واكثري من الصلاة بل عدد وهاتهدئ إن شاء الله وهاتلاقي نفسك هدأتي”.