عزمت إلهام شاهين عن عدم البوح بعمرها بحجة الخوف من الممثلين الذين في سنها، ووضحت ذلك خلال لقائها برنامج “أبلة فاهيتا”المذاع عبر فضائية cbc.
وقالت: “أصحابي قالولي اوعي تقولي على سنك، ولمه بقول بفضح سر كل اصحابي وبعد كده بيشتموني وارحميني منهم، وقالت أيضاً لها انها أكبر من دورة ب 19 سنه وأصغر من يسرا ب 6 سنين، وانها برج الجدي وقالت إلهام إنها جريئة جداً ومابتخافش”.
واوضحت أنها”مطلقة ولم تفكر في الزواج مرة أخري، واتعلمت من اللي حصل ما تجوزش تاني؛ حتى لا يتكرر ما حدث”.
وأكدت إلهام”أنها أهلاوية وبتحب الأهلي، والأهلي فريق متفوق ولازم الناس كلها تروح للمتفوق، وأنها بتحب الحكام اللي بيحكموا لصالحه، أما اللي بيظلموه فأنا مش بحبهم لأني أهلاوية متعصبة، وكانت تتمني أنها تدرس اللغة الروسية؛ لأنها بتحب الشعب الروسي ورسيا اوي، وتحضر كأس العالم في روسيا”.
وأضافت”انها لو ماكنتش ممثلة كانت تتمني تكون لاعبة بالية، ودلوقتي بتمني تعمل دور كيلوباترا”.
وصرحت إلهام شاهين” أنها بتكره الآنانية وبتحب تأخد وتدي، وقالت أنها أكبر أخواتها، وأنها مثل برجها ناطحة ومابتخفش من حد ومابتعرفش تشتم، وطولها 171 ووزنها 76 كيلو”.
وبينت أيضا”أنا بحب نبيلة عبيد، بالرغم إني لم ألتفي بها في أي عمل سينمائي أو درامي وأتمني أني أمثل معاها في أي عمل فني”.
وقالت أيضا”أن أغرب إشاعة سمعتها عني أني عملت حادثة وتنقلت للعناية المركزة وتوفيت، وجالي اتصالات كتيرة عشان الناس تأكد أن دي حقيقة ولا لأ”.
وأوضحت “أن أكتر الأشياء اللي بتكون في شنطتي الشوكولاتة، وعندي مشكلة تانية لو قعدت على حلة محشي ورق عنب بعيش معاها وبحب الليمون”.
