إلغاء قانون الإيجار القديم وبنود القانون الجديد الكارثية زيادة الإيجارات إلى 300%، وتوريث العقار المؤجر مرة واحدة فقط، وفسخ التعاقد بعد 7 سنوات وإلغاء عقد المغترب خارج البلاد

إلغاء قانون الإيجار القديم، أكدت لجنة الإسكان والمرافق في مجلس الشعب، أن اللجنة تسعى بكل جهدها على مناقشة “قانون الإيجار القديم”، وتعديله، الذي تم تجاهله بسبب الخوف من رد الفعل الشعبي، من قبل الوزارات والهيئات الحكومية السابقة، لحساسية ذلك القانون الذي يمس شريحة كبيرة من المواطنين المصريين، وخصوصاً سكان المدن، الكبرى القاهرة والجيزة والإسكندرية، والتي تنتشر فيها بصورة كبيرة، الايجارات سواء كانت تلك الايجارات، لشقق أو محلات تجارية، أو مخازن، ويوجد عليها نزاع كبير بين المالك والمستأجر، وأيضا لحل المشاكل الكبيرة والنزاعات لأملاك الحكومة وهيئة الأوقاف التي تم تأجيرها بعقود قديمة، ومازالت حتى اليوم بنفس الثمن البخس، والذي يجحف ثمنها الحقيقي مما يتسبب في ضياع الكثير من الأموال المستحقة للدولة.

إلغاء قانون الإيجار القديم وبنود القانون الجديد الكارثية زيادة الإيجارات إلى 300%، وتوريث العقار المؤجر مرة واحدة فقط، وفسخ التعاقد بعد 7 سنوات وإلغاء عقد المغترب خارج البلاد 1 8/10/2016 - 6:18 م

أهم بنود مقترح قانون الإيجار الجديد

المادة الأولي: زيادة القيمة الإيجارية للأماكن السكنية المحكومة بقوانين إيجار الأماكن، بنسبة من قيمة الإيجار للقوانين الأصلية، ويتم ذلك الأمر على سبع مراحل تكون بداية من شهر يناير سنويا، ويتم زيادتها بنسبة 5% من قيمة أخر إيجار في نهاية السبع سنوات.

زيادة الايجارات القديمة بنسب مختلفة حسب تاريخ الإيجار

السنة  قبل تاريخ 13/12/1952  الزيادة المقررة  330%.

السنة قبل تاريخ 13/12/1958 الزيادة المقررة 300%.

السنة قبل تاريخ 31/12/1973 الزيادة المقررة 240%.

السنة من 1 يناير 1966 وحتى 1973 الزيادة المقررة 170%.

السنة قبل 31/12/1977 الزيادة المقررة 120%.

السنة قبل 31/12/1981 الزيادة المقررة 90%.

السنة قبل 31/12/1984 الزيادة المقررة 45%.

السنة قبل 31/12/1986 الزيادة المقررة 30%.

السنة قبل 31/12/1989 الزيادة المقررة 15%.

السنة قبل 31/12/1991 الزيادة المقررة 7%.

ويتم استبدال نسب الزيادة كل عام في الأجرة للأماكن غير السكنية، المنصوص عليها في الفقرة الأولي من المادة الثالثة، من قانون رقم 6 لسنة 1997، والذي تم تعديله برقم 14 لسنة 2001، لتصبح الزيادة بنسبة 4% للأماكن التي تم إنشاها قبل عام 1977، وزيادة 2% للاماكن التي تم إنشائها عام من بعد عام 1977 إلى عام 1996.

ومن اهم نقاط الخلاف هي أن يتم توريث المكان المؤجر لمرة واحده فقط فيما يسمى “حظر الامتداد”/ ويؤول إلى أشخاص معينين ” الزوجة، الأولاد، الوالدين”، وثاني بند هو الاتفاق نظير مبلغ مالي بين المستأجر على ترك العين المؤجرة وإخلائها للمالك.

إلغاء عقود من يستأجر شقة إيجار قديم في نفس المحافظة

وأشار النائب معتز محمود، رئيس لجنة الإسكان والمرافق، تعتزم الحكومة مراجعة كل عقود الإيجار القديم، وإعادة النظر في العقود المبرمة مع عدة شركات، وأوضح أن الحكومة تعتزم إلغاء عقد كل من يمتلك أيجارين قديمين في نفس المحافظة التي يقيم فيها، وإلغاء عقود من يستخدم الشقق في نشاط تجارى كالعيادات ومكاتب المحاماة، ومكاتب الشركات.

بنود فسخ التعاقد في الإيجار القديم

  • في حالة ثبوت أن العقار الذي تم تأجيره يتم استخدامه لأغراض غير سكنية.
  • في حالة إثبات أن المستأجر يمتلك لمساكن بديلة أو يقطن خارج البلاد
  • في حالة إثبات وجود عقد ملكية بإسم الزوجة أو احد الأقارب من الدرجة الأولى في نفس المحافظة التي يقطن بها المستأجر الأصلي.

اترك رد

لن يتم نشر عنوان بريدك الإلكتروني، وهو غير مطلوب للتعليق لكن يوفر لك وسيلة للتنبيه في حال قيام شخص بالرد على تعليقك.

72 تعليقات
  1. صباح عويس يقول

    كلامى ده موجه لمشايخ مصر الكرام
    1-أيجوز أخذ مال الغير وتستحله الحكومة أين أنتم يامشايخ مصر باستثاء الشيخ أبو كريمة والمهندس حسب الله الكفراوى اللذان نطقوا كلمة حق حد يرد عليا
    2- الشقق المغلقة ترد فورا دون تأجيل يوم واحد أقسم لك أنهم ليس باحتياج لها
    3- عدم التوريث كيف يرثنى شخص ليس
    0000

  2. غير معروف يقول

    فعلن حرام لم تكون ايجار شقه فى شبر مصر اول تقاطع من شارع شبرا الرئيسى ٢ جنيه يعنى ميجباش سندوتشات فول وفوق من كده العامل جنينه حيوانات مربى حمام وغرام وكلاب وكله ٢ جنيه فى الشهر والى عامل سنتر دروس لخمس مدريسين طول اليم وكله ٣ جنيه وصاحب الملك مش لاقى يسد اليوم العلى البيت دة حرام ولا حلال اتقوة الله فى الشعب يعنى لو زادت٣٠٠٪ يعنى هتبقا٨ جنيه بسيطه ايه تدل فى هزا لزم يبقى فى تقدير وتقييم للاماكن والمستوى فى ناس قفلين الشقق علشان ايجار رخيس مش مكلفهم حاجه

  3. صباح عويس أحمد يقول

    خطوة جريئة ياحكومة

  4. غير معروف يقول

    المستأجر اصبح يشتم المالك ويعمل محاضر لبناته ويشوه سمعتك بسبب الشقق الرخيصة و الكذب والتامر مع السكان علية وعند خروجة من الشقة يقول عايز خمسين الف يامايشتم ويبهدل فيه هو والمتامرين عليه من السكان يردي ربنا ان الراجل الي لمهم في بيته يشتم شتيمة قذرة بسبب طمع السكان وتقبلهم الحرام

  5. غير معروف يقول

    أحسمى الأمر ياحكومه وألغى القانون القديم الظالم حتى 1996وأجعلى التعاقد حريه بين المالك والمستأجر وهذا ثلعه تجاريه لمن أراد الشراء وإن لم يرد فهوا حور يتقاضى راتب بالألف ويدفع إيجار بخص يخى إتقى الله الحلال بين والحرام بين الحل فى إيد الحكومه

  6. كريم الابنودي يقول

    ان شاء الله مش هيتطبق…..ويبقى الحال كما هو عليه.

  7. محمد يقول

    ايه موقف المؤجر لشقتين فى عمارة واحدة هل هيتم الغاء ايجار واحدة فيهم ولا الاتنين ارجو الرد على استفسارى

  8. محمود يقول

    امتلك عقار ايجار قديم ايجار الشقه حجرتين و صاله واحد جنيه و نصف في الشهر يعني لما اركب مواصلات علشان الملم الايجار عاوز اكثر من عشره جنيه طب لو اخذت تاكسي ب خمسه و ثلاثون جنيها فين بقي العدل المفروض زياده القيمه الايجاريه منذ زمن بس فيه حد كان معطله لاسباب شخصيه حسبي الله ونعم الوكيل

  9. مونى أحمد يقول

    السنة قبل يناير 1996 الزيادة المقررة كام ؟ لماذا لم يتم التعليق عليها فى مقترح القانون لأن الايجار الجديد تم تطبيقه من أول سنة 1996

  10. الدكتور يقول

    هل التوكيل للفرد يورث لماذا تورث عقود الايجار ونعطيها احد صفات الملكية الحلال بين والحرام بين الصفة والعقد الموصف ايجار وليس انتقال ملكية مؤقتة

  11. عمرو عثمان صالح عثمان يقول

    توفى المستاجر الاصلى فى 31/10/2007 وكانت زوجته هى فقط التى تعيش معه حتى وفاته ايجار الشقه من ساعه ما اجر اربعه جنيهات ونصف فى شقه غرفتين وصاله وحتى وقتنا هذا وبدون اى زياده طوال هذه الفتره من سنه 1971 وحتى تاريخ 4/11/2016 تزوج كل اولاد المستاجر جميعا قبل وفاه المستاجر الاصلى وكان اخرهم قبل وفاته بحوالى 15 عام واكثر واولاده هم 4 اناث وكلهم على كفن ازواجهم وكلا منهم لها سكنها الخاص بزوجها واثنان من الزكور واحد منهم عنده عماره ملك تقع قريبه جدا من عنوان هذه الشقه والتى كان يستاجرها والده تبقى الابن الثانى للمستاجر وهو مستاجر لشقه ايجار قديم من قبل وقاه والده بحوالى 15 سنه واستمره زوجه المستاجر الاصلى فى الشقه بمفردها ختى وفاتها فى 21/2/2015 وبعد وفاتها بحوالى 3 شهور والشقه خاليه طلبت من اولادها تسليمى الشقه لانتهاء العلاقه الايجاريه لان الامتداد لمره واحده فقد امتداد لزوجه المستاجر الاصلى والتى كانت تقيم معه بمفردها من قبل وفاته ب15 سنه وحتى وفاتها واولادها رافضين تسليمى الشقه فماذا افعل امتنعت عن استلام الايجار بيدفعو فى المحكمه عداد المياه مشترك وبيدفعو حصتهم فى فاتورة المياه بالعافيه وملتزمين فى دفع فاتورة الكهرياء وهما موش معاهم عقد ايحار فقد منهم واخيرا رفعه قضيه والقضيه اخذة عدم قبول وده كان منطوق الحكم وانا موش عارف اعمل ايه وانا موش بتاع مشاكل وحاسس بالقهر وعايز ارجع حقى ملكى الى ورثته عن والدى فيارب اعنى انا وكل من هو فى موقفى وحسبى الله ونعم الوكيل فى كل الى بياخد حق حد بالتدليس وبالكدب والنفاق والشهاده الزوار وحسبنا الله وتعم الوكيل فى كل الى بيساعدهم على ذلك و يارب وقفلى انا وكل الى فى موقفى اين الحلال والناس الشرفاء الى ترجع لينا حقوقنا المنهويه والمسلويه مننا بالقهر وعدم الاحساس واملنا فى الله اولا ثم فى نوابنا الاجلاء فى رجواع الحقوق المغتصبه لمالكيها رينا معاكم ويقوايكم على فعل الخير والصح والصواب امين امين امين يارب العالمين .

    1. غير معروف يقول

      امين يارب العالمين

  12. صباح عويس يقول

    إقطع العرق وسيح دمه
    إلغى القانون القديم خاص الخطوة الأولى الشقة حد أدنى 300جنيه فقط زيادة 25جنيه كل سنة لمدة ثلاث
    سنوات إعمل عقد جديد للمستحق 2- الشقق المغلقة تتسم فورا بحكم القانون سواء الساكن عنده في محافظته أو في محافظة ثانية دلوقتى تفرق إيه الجيزة من القاهرة ليه بتحدد 3- المهاجر منذ ثلاث سنوات تسلم الشقة فورا

  13. Mahmoud. يقول

    من المعقول ان يكون هناك توريث لشقة ايجار ولا يسمى ايجار لانه معدوم وعند خروج المستأجر من السكن يطلب فوق ما دفعه أضعاف فى خلال سكنه من 30 سنه واكثر . هل هذا معقول بأن يهلك الساكن الشقة او المحل وبعد سنين يطلب مبلغ ليخرج هذا المبلغ حرام لانه ياخذ ه مال عنوه
    تعليقى
    لا يصح التوريث لسكن ايجار لانه اولا ليس من اقارب صاحب البيت وبناء عل كلمى اقراوا اية التوريث فى القران
    ثانيا . ما كان ملك الغير ليس لى احد ان يشاركه فى تعبه وشقاه
    اوافق عل الغاء قانون الايجار القديم

    1. غير معروف يقول

      انتو عشان ملاك بيقولوا كدا إنما انت لو المستأجر عمرك ما هاقول كدا حرام عليكوا اتقو الله
      كنتم يتجاوزها ايه من الاول

  14. غير معروف يقول

    حد شاف بند بفسخ العقد بعد 7 سنين؟ دا بعد سبع سنين يزيد 5 %

  15. Abo MEDA يقول

    انا مغترب منذ عام ٢٠٠٧ وتزوجت في عام ٢٠١٠ ومن حينها وانا في دوامة الإيجار الجديد في حدائق المعادي بمبلغ ١٠٠٠ جنيه ، وأصبحت غربتي عن أهلي و زوجتي وأبنائي هي أمر محتوم لاني بالكاد استطيع توفير الايجار ومصروف البيت بالرغم من ان لدي طفلين لم يدخلوا المدرسة بعد
    ولدينا منزل والدي بنفس المنطقة ومؤجر به شقتين ، ايجار الواحدة ٣٠ جنيها
    وانا ادفع الف
    واحدي الشقتين يسكن فيها ابن عمي بعد ان تركها عمي لابنه ليتزوج بها وكأنها ورث موروث ، وانتقل عمي لشقة تمليك اكبر بثلاثة أضعاف الشقة التي تركها لابنه
    وحالياً الشقة مغلقة وبها أثاث ابن عمي الذي يأتي كل اسبوع مرة او اكثر وهو يعتبر حرفياً يعيش في غرفة خاصة به وبزوجته بشقة ابوه ( الشقة بنفس المربع السكني ) وعمي يكفل ابنه هو وزوجته وطفلين
    فعن اي حق تتكلمون يا من تظنون ان الايجار القديم يتم توريثه
    ومن منا احق ( انا صاحب الشقة المغترب )
    ام ابن عمي المرفه الذي يعيش بكنف ابيه
    ”’ اتمني لو يصدروا قرار بتوحيد سعر المتر بكل منطقة لغرض الايجار وليس الشراء
    وان يتم إلغاء كل العقود القديمة وإستبدالها بعقود محددة المدة اقصاها ١٠ سنين قابلة للتجديد ما لم يخطر احد الطرفين الطرف الاخر خطياً بعدم الرغبة في التجديد
    وسيكون سعر المتر موحد كشرائح
    مثلا :
    منزل تم انشاءه في المعادي من سنة ١٩٨٠
    ومساحته ٢٥٠ متر مربع
    ومنزل مجاور له بنفس المساحة تقريباً ولكن تم انشاءه سنة ٢٠١٥
    وشريحة سعر المتر المربع لغرض الايجار في ذلك الحي ٢٥ جنيه للمتر في الابنية الحديثة السوبر لوكس مثلاً
    اما عن سعر شريحة منزل تم بناءه منذ اكثر من ٣٥ عام فسعر المتر مثلاً يعتمد علي جودة المظهر الخارجي للعقار ثم التشطيب
    وقد نقول مثلاً سعر المتر من الممكن ان يبدأ بسعر ٥ الي عشرة جنيهات
    فبذلك قد نكون صنفنا العقارات بالدولة وسعر المتر في البناء الحديث والبناء القديم لكل حي
    والله حينها فقط ستكون هناك عدالة إجتماعية لاهم شىء لاي كائن مصري ألا وهو السكن علي قدر الدخل .
    ارجو النقاش بموضوعية وتفنيد الاراء لعل احدنا قد يصبح مسئول في تلك الدولة الضائعة ويطبق كثير من الافكار التي قد ترحم المواطن المصري المطحون الذي اصبح نسخة من المواطن المطحون بطل مجلة فلاش

  16. خالد سعيد الشيخ يقول

    المفروض تمشي بزيادة سنوية زي المحلات لما عملوا لها كده ما تبقاش دفعة واحدة لان في ايجارات قديمة وعالية نوعا ما فيجب مراعاة دخل الناس المتوسطة وتحت المتوسطة لان السكن ده امر هام جدا وشئ اساسي لغالبية الشعب المصري المطحونين

    1. ابراهيم سليم يقول

      اشمعنا بتدفع المية والكهرباء والغاز بعد الزيادة اضعاف مضاعفة وبتشرب علبة السجائر ب30 جنية

  17. عباس العقباوى يقول

    لمذا لم ينش التعليق

  18. ابتسام بيومي يقول

    يا جماعه دا في ايجار 150 قرش دا هيعملو فيه ايه 300%دا مينفعش

  19. somaia يقول

    حاجه غريبه هو كل اللى بيناقشة البرلمان قوانين تزيد من المشاكل ليه هوه البرلمان ده مش حاسس بينا ولا ايه أبقوا استفتواالشعب يا نواب الشعب

    1. تيتة مريم يقول

      كانت اسعار مواد البناء بالسحتوت يعني لميتوا اكترمن سعرها بالملاليم اشمعني تحسبوا قيمة الايجار الان مع سعر القديم مواد البناء زمان اتحسبت معاها سعر البناء في الوقت دة تختلف مع الان عاوزين ترموا الناس في الشارع
      برلمان صاحب مصالح ضد الشعب

  20. غير معروف يقول

    قانون زي الزفت من برلمان زي الزفت

  21. غير معروف يقول

    الحكومه كدا عايزهاجنيات بين المالك والمستأجر مفيش حد طالع من مكانه

  22. غير معروف يقول

    هوا المفوض الايجار القديم لا يمد الأبناء كافة الاب والام فقط

  23. غير معروف يقول

    انا عندى الاجار 2 جنية ومن سنة 1967 يعنى هيكون 6 جنية اةهةهة يا بطنى

  24. مصرى اصيل يقول

    الايجار لازم يتحسب على الغرفه يعنى مثلا يبقى فى حد ادنى لايجار الغرفه50جنيه وزياده سنويه 10 % لمدة 5 سنوات من الان كفتره انتقاليه تحرر العلاقه بعدها بين المالك والمستأجر وهايكون الايجار اقترب من قيمه الايجار الحركمان التوريث لايجوز لكناانسانيا يمكن ان يستمر الايجار القديم كفتره انتقاليه بعد وفاة المستأجر الاصلى لبلوغ اصغر ابنائه سن الرشد وان لم يكن له ابناء تعطى ارملته فتره سماح عشر سنوات ويحررلها عقد ايجار جديد كمان لازم نتذكر ان عقود الايجارات القديمه تم تخفيضها بقرار جمهورى من الرئيس الراحل جمال غبد الناصر وده يخالف قاعده العقد شريعه المتعاقدين فاذا صدر القانون بزياده الايجار القديم فيجب ان تكون الزياده طبقا للقيمه الاصليه المحرر عنها العقد الاصلى للعقار وانا اعتقد اذا صيغ القانون بصيغه سليمه ومتأنيه فسوف يزيد من حصيله الدوله من الرسوم السنويه التى تحصل من الملاك طبقا للقيمه الايجاريه التى من المتوقع ارتفاعها مع تخصيص نسبه منهذا الايراد لانشاء صندوق لمساعده الحالات الانسانيه لبعض من سيتضرر من السكان مراعاه للعدل الاجتماعى

  25. غير معروف يقول

    يجب علي اصحاب المنازل القديمه هذه تقديم الشكر للمستاجرين لان املاكهم اصبحت ذات قيمه سوقيه اضعاف ما كانت عليه

  26. هلال الشريف المحامى يقول

    الشعب انتخبكم والشعب فى 11/ 11 هايشلكم

  27. خبير قانوني يقول

    ليس في الايجار توريث اطلاقا ……ومفهوم الايجار انه مؤقت استخدام منفعه مؤقته كقابل اجر..لايوجد توريث في الايجار…..

  28. شاهيناز محمد يقول

    شقه جدو وابي ليس له عمل ولا انا وابي مريض وليس لي مكان اخر للاقامه وانا مطلقه من خمس سنوات ومعي ابنتي واعيش علي فتات زبعد وفاه والدي لو قدر لي ان اعيش اعيش في الشارع ولا اشتغل في الحرام علشان اسكن ب ايجار جديد ويتقبض عليه بتهمه الدعازه ولا اطرد من شقه ابي التي تزوج بها ومقيمه معه انا ارد الرد من المسؤال او القارئ يعطينا حل وراي

  29. غير معروف يقول

    احنا خمسة اخوة مع امنا والدى ترك لنا منزل مكون من طابقين بعد الارضى ونسكن فى الدور الثانى فقط ويوجد ثﻻث سكان معنا ومش عارفين ناخد معاهم ﻻ حق وﻻ باطل ﻻنهم عزوة علما ان العقار كله يتحصل على خمسة عشر جنيها شهريا وليس لنا احد ينصفنا غير مثل هذه القوانين بعد الله علما انهم ورثة وهم ثﻻث اخوه ولهم ايضا عقار كامل فى شبرا الخمة ومنزلنا فى شبرامصر ولهم ايضا محل سوبر ماركت وليسوا في احتياج لمنزلنا بل نحن اﻻخوة الذين ليس لهم ﻻ حول وﻻ قوة

  30. حنان يقول

    دي زيادة برضوا تمشي مع الوقت الحالي مع غلاء الأسعار …. الرحمة مطلوبه….. ارحمونا

  31. غير معروف يقول

    ازاى يتلغي عقد ايجار اب او ام علشان ابنهم او بنتهم عندهم شقة تمليك في نفس المحافظة عو مش كل واحد له ذمة مالية منصلة ولا الاب والام يترمو في الشارع ولا يبقي تحت رحمة اولادهم وازواجهم او زوجتهم اتقوا الله في الناس كبار السن 000 انا اجرت شقتي 1978 ب 20 جم ودخلي كان 25 جم واستحملت وربنا ساعدني كان المالك في الوقت بيحصل علي ايجار كبير يصل الي 80 في الماية من دخلي نرجوا الرافة بالناس وخصوصا كبار السن اللي بيحتاجوا العلاجات الكثيرة وشكر للاستجابة لطلبات الغلابة وكبار السن

  32. غير معروف يقول

    في ناس واخدة شقق إيجار قديم.. وبتأجرها من الباطن وبستفيد من حاجة من مش ملكه
    ح اقولكم علي حالتي
    انا راجل مأجر شقة لشركتي فى مصر الجديدة
    بدفع شهريا 4000 جينه إيجار الشقة
    تعرف بقي .. اني مأجر الشقة من المستأجر ومش من صاحب العمارة او الشقة
    والمستأجر دا ..بيدفع إيجار الشقة 10 جنيه فى الشهر .. وهو بياخد الباقي
    يعني هو مستفيد اكثر من صاحب الشقة
    والكلام علي كدا بقي له سنين
    فهل دا يريضي ربنا
    ان صاحب العقار والمالك .. لايستفيد من ملكه

  33. غير معروف يقول

    انا عندى الشقة ايجارها2جنيه سوف تصبح 6جنيه
    يابلاششششششش

  34. احمد يقول

    أنا صاحب مهنه ومأجر محل بقاله وكل سنتين صاحب العقار يقوم بتزويد المبلغ اكثر من 60 %من المبلغ المتفق عليه ولو مرتضتش اطلع برا ممكن زى مابيشوفوا القانون القديم قدمو اقتراحات للقانون الجديد لتجنب جشع أصحاب العقارات

  35. غير معروف يقول

    سيسى عرص وحكومه وسخه بدل ما يقرروا رفع الرواتب ل 3000 الاف كحد ادن بيدوروا على اى حاجه يلموا بيها فلوس من الشعب مش تستعجلوا بعد رفع الايجار سيفرض ضرايب تقطم زسط اثحاب العقارات

  36. سحر فتحى يقول

    متى يبدأ العمل به؟

  37. غير معروف يقول

    طب اخبار قانون الايجار الحالى ( المسمى بالقانون الجديد )
    والذى يعضى الحق للمالك فى التحكم فى المستاجر بالنسبه للمده والقيمه الاجاريه .
    مما يجعل المستاجر لا يشعر بالامان

  38. غير معروف يقول

    300%مجلس ربع كيلو لحمه

  39. غير معروف يقول

    منكم لله يا برلمان ذفت وليسه فى مصالح على حساب الشعب الله يخرب بيتكم

  40. [email protected] يقول

    بس ده قانون مش كامل المفروض الايجار على المنطقة ال فيها البيت 300% مش كفاية لأن في محل أو شقة ب 13 جنيه في الشهر احسب حتي لو زاد 100% ايه المشكلة على الأقل كمان ميكنش في توريث خالص كده يكون معقول

  41. مصطفي علاء الدين يقول

    .. القانون بيقول العقد شريعة المتعاقدين .. واحنا اصحاب الايجارات القديمة قمنا بدفع خلوات ومقدمات ايجار قام الماك ببناء الوحدة المستأجرة بها .. يعني احنا اللي دفعنا فلوس بناء مساكنا علي شكل خلو رجل .. وكان الايجار المحدد بالعقد ايامها يفوق مرتباتنا ودخنا الشهري واعتمدنا علي الله .. وقلنا ربنا يسهل ويرزق .. تيجي اليوم تهد النظام القانوني المتفق عليه ، وتقول رفع الايجارات .. ده يبقي كلام فارغ ويخالف العقد القانوني المبرم بيني وبين المالك الذي كان اصلا وقتها لا يمتلك سوي الارض اللي بنا عليها .. وبني عليها بفلوسنا .. حسبي الله ونعم الوكيل .. قانون ساكسونيا ..

    1. ناصر الدين يقول

      كلامك صح جدا

    2. كريم يقول

      واللى مخدش خلو رجل يا استاذ مصطفى

    3. غير معروف يقول

      المستاجر له ٢٠٠٠٠ مكان
      لكن الملاك لا يملكون غير هذا المكان
      ساكنين بملاليم، سنين و سنين
      و كمان معترضين
      ده ايجار الشقة فى الشهر
      لا يساوى اكلة فول….
      حرام عليكم
      لو انتم مكان صاحب العقار
      ترضاها لنفسك….
      روحوا منكم لله….

    4. غير معروف يقول

      العقد كان عقد ازعان وارغمت القوانين المالك علي صيغة محددة ولم يكن كامل الحرية عند انعقاد العقد

    5. kimps يقول

      انا احييك اخ مصطفي علاء الدين فعلا اباؤنا دفعوا خلو رجل علشان يسكنوا مئات الجنيهات التى تساوى الان مئات الالوف يعنى صاحب الملك الان واخد حقه من زمان

    6. غير معروف يقول

      افضل كلام يوجد قانون جديد فى الايجارات بة مدد و زيادة فى القيمة الايجارية لا يفضلة الاغلبية يجب حساب قيمة الشقة وقت البناء كام و حساب الايجار كام اذا كان اكثر يتم تحويل عقد الايجار الى تمليك و ننهى هذا الجدل الذى يخلق مشاكل كثيرة

  42. ياسر الخولي يقول

    لابد من انهاء عقود الايجار القديمه للمساكن ولو بعد5 سنوات وهي فتره كافيه جدا لتوفيق اوضاع المستاجرين

    1. غير معروف يقول

      احة

  43. غير معروف يقول

    هو احنا بنطالب الحكومة تدينا فكة يولاد المفككة احنا عاوزين يرجع لينا حقنا

  44. غير معروف يقول

    والعقود اللى بتتورث لابناء المستأجر بعد وفاته هل يحق لابنة ان يرث العقد الايجار والسكن فيها ويتزوج بها فى حين ان صاحب الشقة عنده ابن ويستحق الزواج فيها

    1. غير معروف يقول

      والله الكلام دى حقيقى

  45. رشا يوسف يقول

    300% يعني الشقة اللي ايجارها 15 جنيه حتبقة 45 !!! جايين على نفسكوا قوي

    1. هانئ الميرغني يقول

      علي رائ المثل افلح ان صدق والزيادات المقرحه معقوله للطرفين بعد نزيف الدم السابق وعند تطبيقه يكون استجابه لدعاء للالاف من المقهورين وربنا يرجع الحق لاصحابه

    2. غير معروف يقول

      تهريج و استخفاف بالملاك

    3. غير معروف يقول

      اه والله عندك حق ….. حسبي الله ونعم الوكيل في دي بلد…… صاحب ابويا عنده عماره ملك 10 ادوار علي النيل مباشرة في الروضه المنيل ومن كتر ما هو محتاج بيشتغل علي تاكسي في حين انه علي الورق عنده عماره
      واحنا نفس الموضوع من عمارتين في الروضه بيطلع لأبويا وعمتي 300 جنيه في الشهر في حته الشقق بتتأجر فيها باليوم زي الفنادق ….
      حسبي الله ونعم الوكيل في دي بلد

  46. حسين خالد عبد الحكيم يقول

    قانون الغاء الاجارات القديم والتوريث لمره واحده والالغاء بعد 7 سنوات يعتبر قانون ظالم لمن ليس له دخل غير المجل المؤجر قديما مثلا والدي له محل ايجار قديم يمارس فيه صنعه الحلاقه ولا احد من اولاده متعلم هذه الصنعه وجرب مرارا وتكرارا ايجاره او ايجاد من يعمل فيه دون جدوي وبعد ذالك الحكومه تعدل القانون وتسلم الجل الي ملاكه دون مقابل وو الدي يعاني من الفقر وصاحب العقار مبسوط وعنده امكانيه العيش افضل من والدي فهذا حرام علي من شرع القانون ومن يلغيه فانا ارجو من حضراتكم ان تبحثو في ظرون المستاجر وامكانيه دخله وايضا امكانيه دخل صاحب العقار واذا كان دخل صاحب العقار افضل من دخل المستاجر فعل حضراتكم التدخل فيه دفع مبلغ للمستاجر من صاحب العقار حتي يرضي الطرفين وتطبيق القانون بدون ظلم اي طرف من الطرفين وان بحثتم فسوف تجدوي مشكله والدي ليست بمفردها ولاكن ستجدو كثير من هذه المشاكل فالقانون انصاف للطرفين ولا انصاف لطرف علي حساب الاخر وشكرا والله الموفق

    1. غير معروف يقول

      على فكره انا والدي ترك لنا بيت فيه سكان إيجار قديم بيدفعوا خمسه وسته جنيه وهو اتوفى من سته عشر عاما وترك امي بمفردها معاش بسيط وايجار البيت ده عدل وانا بنته وسكنه إيجار جديد بدفع 900 جنيه شهريا مع زياده عشره في الميه كل سنه وبقالي تسع سنوات على نفس الحال ده عدل وبيت والدي مستأجر بخمسة جنيه ده عدل

    2. غير معروف يقول

      باستاد حرام ان والدك يكون ماجة المحل بق او 100 جنيه فى الشهر يعنى ارخص من الميه والكهرباء إلى هو نفسه بيوردهم الحكومه والحلاقه النهارده بقت ب25جنيه

    3. غير معروف يقول

      يا عم اتقى الله كفايه ظلم للملاك انتم والدوله تخالفون شرع الله ..
      اصبحتم انتم الملاك وأصحاب الحق شحاتين ..
      حسبنا الله ونعم الوكيل فى الدوله والمستأجرين سواء محلات او شقق ..

  47. ادم يقول

    ربنا ينتقم منكم يابرلمان العار انتو برلمان الشعب انتو برلمان طحن وذبح الشعب منكم لله هتجيبو البلد الارض بلي بتعملوه ده فوق ياريس البرلمان ده بيعمل كل حاجه ضدك وضد البلد

  48. غير معروف يقول

    مافيش حد عنده جزمه غيرك ياجزمه قدبمه اكيد كنت حافى ولبست الجزمه اتجننت على كبر وانت مالك ومال الى هايطلع والى هاينزل احترم الشعب الى انت وامثالكك عايشين على افاهم يارجوز

    1. صاحب حق منهوب. يقول

      انت يا حافي ياطفيلي ياالي شاحت جزمه غيرك ياجزمه وياالي سارق املاك غيرك وساكن فيها موت بغيظك وقانون الايجار القديم وبنوده ستنفذ عليك وعلي غيرك ياسارق حق غيرك.