تدأول رواد تويتر صور تظهر اقتراب كوكب المشترى بالقرب من القمر خلال الساعات الأولى من فجر الأربعاء وكان واضحًا بالعين المجردة 
وجاءت تعليقات رواد تويتر منها :
- دلوقتي حالا لو بصيت على القمر هتلاقي تحته نجمة لامعةدي مش نجمةده كوكب المشتري أكبر كواكب المجموعة الشمسية اه وربنا.
- فعلا كوكب المشتري واضح جنب القمر سبحان الله.
- والله انا بقيت زى ناسا هيا بتتعب نفسها وتسافر عشان تشوف المشترى وانا من بلكونه البيت شوفته.
- كوكب المشترى سهران مع القمر أبن المحظوظة.
- كوكب المشتري اه لو يخبط فينا ونعمل حادثه.
- كوكب المشترى يظهر في السماء على هيئه نجمة مضيئة بجانب القمر سبحان الخلاق العظيم.
- اللى صاحى يطلع البلكونة حالا هيلاقى جنب القمر نجمة كبيرة شوية وبتلمع اوى، دا كوكب المشترى، متفوتوش المنظر طول الليل وما تنسوش تتمنوا أمنية.
- إطلعوا في البلكونة. بصوا ع القمر، هتلاقوا كوكب المُشترى ظاهر جنبه بيلمع على الشمال. حلو جداً.
وقد حدث وظهر كوكب المريخ بجانب القمر بالعين المجردة يوم 8 أبريل 2014، اى أن ظهور كوكب المشترى بجانب القمر ليست الظاهرة الأولى من نوعها، ويذكر أن المُشْتَرِي هو أضخم كواكب المجموعة الشمسية وسُمي بالمشتري لأنه يستشري في سيره أي يلـجُّ ويمضي ويَـجِدُّ فيه بلا فتور ولا انكسار، وخامس الكواكب بعداً عن الشمس وأكبر كواكب المجموعة الشمسية، وكتلته أكبر من جميع الكواكب والاقمار في المجموعة، وملك الكواكب هو المُسمى الملائم للمشترى.
